tirsdag, juli 08, 2014

Draumar om vidda

Elva ved Viveli Fjellstove.
Hardangervidda

Tenk å bruke nokre velunte feriedagar på å svette og slite
og gå og gå og gå. Opp og ned og bort og inn i nye dalar. 
Berre tullete egentlig. Men samtidig ein heilt fantastisk feriemåte. 
Å gå i fjellheimen enten det er på Hardangervidda som her, i Oslomarka,
i Rondane eller kvar som helst, er ein eigen type avkopling. 
Jau, ein går og slit. Og ser på kart og ser på klokka. Lagar seg mål
og planlegger matpausar. Elles vandrar tankane i alt og ingenting og
ein hentar fram rare songar som er verdt å synge høgt, som 
gamle grand prixsongar som ingen andre syng på, og ein ler og ler
og kjenner at latterkrampa gjer at ein må stoppe opp ei lita stund.
 Og ein sansar naturen; ein kjenner på bjørketrea, ein plasserer føtene
trygt på glatte steinar, ein lyttar til fuglesynging som varslar vår ankomst og ein drar
inn lukta av deilig lyng. Ein ser og ser, på lange vidder innover, langt og
lengre enn langt både aust, vest, sør og nord.
Ein kjenner spruten frå stappfulle elver og priser den etterlengta sola 
når ho stikk innom i nokre periodar. Og ein set så stor pris på
så lite, for ein er utan mobildekning, utan internett og mail og tv, utan
ferske aviser og alt me tenker me treng. 
Deilig å finne roen og kjenne på nye levevanar.

To hestar; mor og son, ved Viveli. 
Fullt av lemmen på vidda! Hissige lemmen!

Stavali turisthytte. Med eigen vedfyrt badestamp til låns. Supert for såre musklar. 

Vading i ei av mange elvar. Iiiiskaldt, så kaldt at kvalmen breier seg i kroppen. Siste elv måtte
vadast (badast) opp til låra i truse og fjellsko i stri strøm. 

Mange snøfonnar, men elles varmt og fint. Sol innimellom ga nesten påskekjensle. 

Langavatnet, frå Stavali til Hadlaskard.

Perfekt lunsjvær og varmt i fjellveggen. 

Stidele ved Finnabu. 

Dinglande hengebruer...over strie elver. Ikkje kjekkaste parti å gå.  Men Marianne frå Toten
er råtøff!

Fire dagar på vandring, ein del timar trakka til saman, på veg ned til Hjølmo nord for
Eidfjord. Nydelege bjørketre, nokre med "tattoveringar" på. 


2 kommentarer:

  1. Det der er toppen av avkobling. Skulle gjerne gjort det sjøl.
    Men det blir ikke i år, desverre. Hadde ei uke i Børgefjell for
    noen år siden. Lever litt på den enda. Det var ei ukes fisketur
    for min del, og det var herlig i ei fiskekoie uten særlig annet
    enn et tak over hodet.
    Sommerhilsen fra Marit

    SvarSlett
  2. Herlig uansett. Me hadde med fiskestong og planen var å prøve fiskelukka, men fokuset vart nok på tur og avkopling etterpå. Med kortare turar hadde det kanskje blitt fisking! Fjellaure, akk...

    SvarSlett

Kjekt om du legg frå deg nokre ord!