søndag, november 16, 2014

Matinspirasjon

Det har vore lite nytt på bloggen i det siste. Eg held no 
på med småprosjekt, men noko er jo gjerne av julekarakter
og får vere hemmeleg. Og så har eg nett hatt meg ein tur 
bort på austlandet. Først litt kursing og så litt kjekke besøk og 
så litt trasking. Laurdagens trasking tok oss til St.hanshaugen
i overskya haustvèr. Der dukka den eine kjekke butikken opp
etter den andre. Og då tenker eg ikkje på fancy klesbutikkar,
men matbutikkar! Butikken Gutta på haugen, ein butikk med
opningstid alle dagar "fra morra til kvelds", var eit lite eventyr 
for meg. Eg vart som eit lite barn som kikka og koste meg. 
Dei har alt frå fersk frukt og grønt, spekemat og ostar - både 
kortreist og langreist, gode sjokoladar, kortreist kjøt i alle
variantar. Akk... Eg endte opp med ekte italiensk pasta, svensk
chips laga av rotgrønsaker og ikkje minst røykt paprika, La chinata 
Piementon ahumada, son vert brukt i chorizopølser og som eg har 
prøvd å få tak i utan hell. På nabobutikken var det også mykje 
å sjå på, hos Pascal sjølv. Det vart nokre konfektbitar og fantastisk
gode makroner. Og på ein siste butikk fann eg også Ølandshvete,
som eg heller ikkje har fått tak i før. Ein gammal kornsort som 
eg gler meg til å bake med! Og så var det tilbake til bygdelivet,
med litt av byluksusar i bagasjen. 


Matskattar, små gleder. 


Deilig lunsj med ølandshveterundstykke med spekeskinke 
og ekte bykaffi attåt. 

2 kommentarer:

  1. Føler det sånn jeg også når jeg en sjelden gang går i Oslo by. Bor bare en time unna Oslo, men jeg er IKKE noe bymenneske, så det er egentlig utrolig sjelden jeg er der. Apropos Norgesglass så er de jeg viste nokså smale i åpningen ja. Hadde vært gøy om du laget ett innlegg om Norgesglass og viste fram flere forskjellige. Tror nemlig de finnes i utrolig mange størrelser. Jeg har ett som er veldig lite ihvertfall. Gleder meg til et sånt innlegg dersom du lager det.
    Klem fra Marit

    SvarSlett
  2. Eg har vore litt bymenneske ein periode, som student, men no likar eg best å stikke innom og å stikke heim att til stillheita :-) Rart med det! Skal sjå om det vert noko om noregsglas ja!

    SvarSlett

Kjekt om du legg frå deg nokre ord!