søndag, januar 18, 2015

Arven frå far

Noregskartet har endeleg kome opp på veggen. Og vèrhanen, ein "bestilt" julepresang,
står enno inne og varmar seg før han vert montert ute på eit av husmøna her etterkvart.

Far min var ein samlar. Han likte å finne seg skattar han også. Det kunne samle
seg litt opp og ikkje alt fekk kome fram til si rett. Arbeidsrommet hans til
dømes var fullt av alt muleg forskjellig, veggane nesten heilt dekka av småting
og kunstverk. Og dette kartet sto samanrulla på mjølkerommet i nyeløa.
Resten av kartet, av nord-Noreg, heng der på veggen på mjølkerommet, litt slitt
og matt i fargen. Far min var lærar, nynorskmann og ein kreativ person. 
Karta har han nok fått tak i på ungdomsskulen ein gong i tida, der han jobba. 
Eg hadde eit spesielt forhold til far, det var ofte vanskeleg. 
Men no, jo lenger det går etter at han døydde, jo nærare føler eg meg han. 
I samling av skattar, å kunne nyte og sanse små augeblikk i kvardag og i naturen, 
i å kunne bruke og sette pris på dei små ting eg har fått både før og etter
at han døydde. I alt me hadde til felles, som me aldri fekk snakka saman om,
delt og erfart i lag. Og så veit eg at far no ville ha vore stolt, av kva eg 
har fått til her i huset, i hønsehuset, med dyra, med griseslakta og
 det store matprosjektet, i livet.

Kartet har endeleg fått sin plass i huset, i stova. Det å ha kart i interiøret var veldig trendy
ein periode og mange fulgte trenden. Men eg har litt av far min
 på veggen, og eg har klåre fargar og draumar om fjellheimar og turar. Og det er fint.


Eg og Marianne sin draum for sommaren. Dovrefjell og moskussafari.
Eg må nok skaffe meg eit litt meir detaljert kart til dess også.

Sunnhordland mot Bergensområdet og ned mot Rogaland. 

4 kommentarer:

  1. Stilig ! Hadde det ikke vært for samlerne så hadde det ikke vært mange skatter å finne. Jeg er en uhelbredelig skatte/ skrotnisse om vil ta vare på alt .

    SvarSlett
  2. Ja, me er ei eiga folkesort. Og fint er det! :-)

    SvarSlett
  3. Jeg fant bloggen din nettopp, har kost meg masse med å lese =) Godt skrevet om din far, det ga meg litt å tenke på. Og de sjokoladetrøflene i et tidligere innlegg skal jeg jammen prøve.

    SvarSlett
  4. Takk for fin melding Veronika! Og prøv deg på trøflane, du kjem ikkje til å angre:-)

    SvarSlett

Kjekt om du legg frå deg nokre ord!