søndag, januar 25, 2015

MITT HUS


Dette er litt surrealistisk, men også utruleg godt å kjenne på.
 Det er nemleg ikkje berre berre å flytte heim til heimgarden
og plutseleg bu i draumehuset, men ikkje kunne eige det. Huset som starta som ei lita
stove som min tippoldefar sette opp i 1863. Eg har trossa 
uskrivne reglar og faktisk investert både pengar, tid og krefter i eit 
hus som ikkje har vore mitt. Men, det har vore ei hjartesak for meg,
det er noko eg har ville gjere i livet mitt.

Det har vore litt diskusjon her om kva
som skjer med garden, eg har jo ikkje odel og difor ikkje rett. Så
me prøvde å skilje ut tunet mitt frå garden i fjor. Slike prosjekt er ikkje
alltid like lett å få gjennom systemet, men jammen ordna dei det! Det tok si tid,
 men no står mitt namn på skøytet. Eg eig no mitt fine kvite hus, mitt sjarmerande 
svarte hønsehus, min vedstabla garasje, grisebakken min, eldhusbakken, tre
nydelege asketre, ei hageskråning, ei solid klessnor. Nærare bestemt vert det rundt to mål. 
Som skrive, er det litt surrealistisk, eg trur ikkje det har gått heilt opp for meg enda.
Men no er eg fri til å gjere det eg vil og syns førebels at ansvarskjensla
for hus og tun er god å kjenne på. 

Mitt tun

Mitt hus, mitt hus, i sommarkjolen

Så med det feirar eg med eit nytt godt dikt som eg kom over
i kveld. Det har ikkje noko med hus å gjere, men eg kjenner
det traff meg i kveld. Og det var på tide med eit nytt Haugedikt
på både kjøkendøra og på bloggen att! 


Bruk ikkje sandpapir

Bruk ikkje sandpapir der ein visshøv kniv har skore,
rett ikkje skifaret som bar deg frelst yver hamrane,
ta ikkje i deg ord som ein gong er sagde.
Ord er dynamitt og verkar både i djupni og høgdi,
i den sprekka dei slo,
kan grunnvatn stiga.

- Dropar i austavind- 1966
Olav H. Hauge

8 kommentarer:

  1. Gratulerer som huseier!!!
    Spennende å gå å vente på svar fra ulike instanser om sånt.
    Klem fra Marit

    SvarSlett
  2. Gratulerer! :)
    Fine huset, på fine tunet!
    Gleder meg til å følge dine prosjekter i 2015 som nybakt huseier :)

    SvarSlett
  3. Å så fint, kanskje ble det lagt merke til at du brukte tid og ressurser på noe som i navnet ikke var ditt.
    Gratulerer så mye, gleder meg til å følge deg videre på det nydelige stedet ditt :-)

    SvarSlett
  4. Gratulerer, det er jo sånt som virkelig motiverer! Jeg bodde også ett år her i huset før jeg fikk overta, og det var veldig fint det, men det var selvsagt enda bedre når det etterhvert sto mitt navn i alle papirer.

    Jeg tror det er lurt som du sier å ikke gyve løs på for mye med en gang, enten man nå er bare en som skal ha hovedansvaret for alt eller man er flere som kan bidra. Det er fort gjort å møte veggen dersom man får følelsen å aldri bli ferdig fordi hele huset står på hodet. En annen ting er at dersom man gjør ting uten å ha tenkt seg godt om først, så kan man ende opp med å angre etterpå. Lykke til med golvteppet. (",)

    SvarSlett
  5. Takk Maria! No er eg i alle fall inspirert til å jobbe i huset att. Men, det eg likar best er å bli inspirert faktisk, planlegge, vurdere og drikke masse god kaffi attåt! Så framover skal eg gjere det, og kaaanskje hive meg på eit helgeprosjekt etterkvart:-)

    SvarSlett
  6. Gratulerer! Følger spent med videre 😊👍

    SvarSlett

Kjekt om du legg frå deg nokre ord!