lørdag, februar 07, 2015

Innandørs vindauge



I sommar pussa eg opp gamle kjøkenet til å bli eit kontor. Gamlekjøkenet
var plassert på nordsida av huset og fekk ikkje eit einaste solglimt inn. 
Så eg bestemte meg for å sette inn eit vindauge mellom det rommet
og stova, slik at lyset kunne gli litt i gjennom rommet. Sist helg fekk eg 
høyre at ei nabodame var så nysgjerrig på korleis det hadde blitt, og eg kom på
at eg ikkje hadde lagt noko ut om det her. Så då vert det eit innlegg om
vindauge innandørs, noko som eg anbefaler fleire å prøve seg på. 
Det lysnar opp og er også utruleg koseleg. 


Før ein set i gong så er det lurt å sjekke at ikkje røyr 
eller ledningar går inni veggen. Teikn så opp kor stort
hol du skal ha. Ein bruker stikksag
med ekstra langt blad, men for å starte opp med den så
kan det vere greit å bore eit godt hol i hjørnet av
området du skal sage ut.


Ein føler seg veldig proff med stikksag og ein sjeldan
selfie må tas. Lurt å verne øyrene er det også!


No er det sagd ut heile vegen og det er spennande
å sjå kva som lurar seg inni! 


Fyrst eit lag panel, så eit lag papp med sølvfarga folie, 
så fine plankar, så tjukk papp. 

 Opning! 


Test for å sjå om vindauge passar. Eg nytta
eit gammalt vindauge som eg fann på garden 
her. Eg pussa ned deg eg klarte. 


Eg fekk litt hjelp til å sette opp karmar på begge
sider. Enkel karm i stova og vinduskarm
med hylle i kontoret. 


Eg lurte lenge på kva farge eg skulle male og prøvde
meg litt fram. Kvitt vart kjedelig og blåfarge vart for sterk.
Det endte med lys blå på vindauget og enda lysare blå
på karmen. Nok til at det vert roleg men også at
det vert litt kontrast til den kvite veggen. 


Ei plante og ei ugle i keramikk står og kikar inn 
på andre sida. Og vindauget passar godt til vedkassen,
som var bestemor sin gamle skittentøyskorg.

Sollys som lurar seg inn på kontoret. Herleg!
Bilete på veggen bak er teke av fotograf Gidske Stark i anledning
Bergens Tidende-reportasjen i fjor. 

4 kommentarer:

  1. Så fint det ble. Og så det bildet på veggen, synes jeg har sett det før!
    Gidske

    SvarSlett
  2. Hei Gidske! Jau, eg fekk ordna meg det biletet som du tok over på eit lerret. Litt snodig å ha seg sjølv på veggen slik, men eg likar så godt bilete! :-)

    SvarSlett
  3. Selvgjort er absolutt velgjort! (",) Både fint og lurt, dagslys skal ma ikke undervurdere. Og ikke så himla dyrt heller når man bruker ting om att. Tommelen opp for det!

    SvarSlett

Kjekt om du legg frå deg nokre ord!