mandag, mars 30, 2015

Pynting av tunet, på vårvis




Påsketid, ferietid. Guri meg så godt det er. Etter nokre hektiske jobbveker
var det utruleg godt med ferie denne gongen. Ingen store planar, berre nokre
små avtalar. Og mykje fritid. Ute skiftar det frå regn til sol til snø og hagl. 
Men det er skikkeleg deilig å styre på litt ute att, og våt tåler ein å bli.

Ikkje så mykje å gjere i hagen enda, men det er å kjekt å kunne pynte
opp litt ute med blomar som tåler nokre kalde grader. Og temaet er
natur og "ta det du har"! Etter hogsten i år har eg funne meg nokre stubbar.
Den eine kjem frå nederst ved rota på eit tre. Og har ei fin form
og eit hol innvendig. Så det måtte eg berre utnytte til noko. 


Nesten form som ei blome. 


Oppi holet lurte eg ei blomepotte. Den fylte eg med mose frå skogen her og så 
nokre stemorsblomar/fiolar. Dei er nemleg kome no! Og dei er så kjekke, dei held så
lenge berre ein passar på å vatne og kniper av dei ferdige blomane. Og så hjelp
mosen dei å halde seg fuktige lengre. 


Vips så hadde den gule stolen litt selskap. 


To stubbar vert kjekke krakkar. Og bordet har eg laga av den gamle kabeltrommelen
som eg har lagt ein skiferhelle oppå. Det står ein del fine skiferheller her på garden.
Og under gravinga i fjor fann me ein gammal liten slipestein. Den held hella
på plass. Bak langs med veggen står også ein benk laga av ein planke og to gamle
tresubbar. Enkelt å lage og kjempefin!


Brukte blikkboksar er også kjekke blomepotter. Eg slår
nokre hol i botn slik at vatn renn ut. Så har eg litt jord i botn
og flotte stemorsblomar. Og hekla band i friske fargar pyntar
opp boksane. 



Pangstart for våren utvendig. No er tunet klart og stemninga god. Litt sol no
og så er kaffikoppen klar! 

4 kommentarer:

  1. Koselig, rett og slett, og en energidose i seg selv!
    Nyt noen fridager, og ikke minst våren dere har (heldiggriser).
    God påske! (",)

    SvarSlett
  2. Så koselig du har det på tunet ditt! Kjekt å pynte litt rundt seg før naturen våkner og tar den helt ut!

    Tunet vårt er en eneste stor tragedie denne våren, men når jeg omsider fant jerngryta (under en jordhaug), og fikk planta litt så er det hvertfall et ørlite håp om at det ordner seg.

    Ønsker deg en fin påske! Er forresten storfan av hønene dine! Flotte bilder og historier

    SvarSlett
  3. Så koselig du har pyntet. Gleder meg til snøen blir borte her, så jeg kan starte vårpyntingen også.
    Inntil dess får jeg kose meg med dere andre sine herlige vårbilder,
    Klem fra Marit

    SvarSlett
  4. Håpar snøen smeltar ned hos dåke også! Og at sola får varme opp bakkane og blomane sprett fram! Har snødd her i dag også, men det legg seg ikkje. God påske damer! Og hønsa helsar tilbake Elisabeth! ;-)

    SvarSlett

Kjekt om du legg frå deg nokre ord!