søndag, mai 24, 2015

Den store SPEKESKINKESPRETTEN




Og DER, var griseprosjektet definitivt over for denne gong. Spekeskinka, som
har hengt på lemen i eit halvt år, hengt i røykebua før det, og lagt
i saltlake i tre månader før det, er endeleg spretta! Og jippi, eg klarte
det, den var knallgod! Hard som nøtteskal utpå, men inni er den mjuk som
smør og smeltar på tunga. Og dette er 12-13 kilo med mat på ei skinke! 
Skinka fekk bilete av si opprinnelse med teksten "Frå mat er du komen,
til mat skal du bli..!" på. Anledning var den årlege Grand Prixfesten med
nokre fine vener og masse god mat attåt. 


Eg prøvde meg på den jomfruelege oppskjæringa, men måtte gi knivane vidare. Linn er flink
fotograf!


Brødkniv måtte til for å komme igjennom skinnet!


Jo fleire kokkar, jo meire søl? To par proffe hender (Torgeir og Vidar) for å få spretta skinka gitt! 


Buster håpa og håpa og sleika munnen klar for litt spekeskinke. Men dessverre..


Nydeleg fin farge på skinkekjøtet! 


Vidar skjærer i fine skiver.


Wow!!

Derimot, Chorizopølsa frå desember som eg skreiv om i Pølsefinale, vart
ikkje like heldig. Den spretta eg for nokre veker sidan. Eg skjønte før den tid
at eg hadde gløymt noko viktig. Å salte spekkterningane som vart lagt i pølsa. Så
pølsekjøtet var god på smak, men spekket var litt beskt. Og dermed ikkje noko god 
snacksmat. Men då veit eg det til neste gong! 


I år vert det ingen grisar. Eg planlegger heller å bruke meir tid og pengar på
ein god ferie, oppussing av hus og litt meir fridom. Og eg har enda ein del
kjøt att. Men tanken er å få nye grisar til neste sommar, og den gode spekeskinka
er ein ekstra gnist for å sjå fram til det! 

2 kommentarer:

  1. Kortere reise for maten er det vel knapt mulig å få, og spesielt artig er det jo når det blir så godt! Det så i alle fall nydelig ut. Men jeg skjønner godt dette med frihet til å gjøre hva man vil uten å måtte tenke på dyrepass, så skjønner godt at du venter litt. (",)

    SvarSlett
  2. No har naboen fått seg to små grisar, så no kjenner eg på lengten att ja. Utruleg herlege dyr! Og knallgod skinke, mør og fin.

    SvarSlett

Kjekt om du legg frå deg nokre ord!