søndag, juni 21, 2015

Enda meir sirup - Rabarbrasirup


Tenk å kunne smake den gode rabarbrasmaken heile året? I drikke, på is, på vafler
eller pannekaker, i kaker... nam! Eg laga rabarbrasirup då eg laga muffins sist helg,
og den vart så god at eg måtte lage enda meir. Og i natt har eg drøymt om rabarbrarøter
merkeleg nok. I går var det havrelappar med rabarbrasirup på til frukost. Laurdagsfrukost,
sommarfrukost, gledesfrukost.

Rabarbrasirup

6 dl vatn
4 dl sukker
4 stilkar rabarbra i tynne skiver

Kok opp vatn og sukker til det tjuknar bittelitt. Ha så oppi 
rabarbrabiter og kok dei møre. Ta dei så ut og sil av sirupen
slik at alle tråder er vekke. Kok sirupen litt inn slik at den vert 
fin i konsistens - sirupkonsistens. Ha gjerne på små sterile glas
og set til lagring. Etter at du opnar eit glas vil det etterkvart
kanskje krystallisere seg, difor er det greit å bruke det opp 
innan ei veke kanskje. Men steike for ein smak - ekte smak
av sommar det der. Og smak av sommar likar me! 



2 kommentarer:

  1. Tusen takk, denne oppskrifta skal eg jammen prøve :)
    helsing Kristin!

    SvarSlett
  2. For en herlig farge! Skal tro om det blir like godt med grønn rabarbra?

    SvarSlett

Kjekt om du legg frå deg nokre ord!