søndag, juni 14, 2015

På tunet i Juni



Dei minste kyllingane veks seg til og er snart like store som ho mor. Men
så er ho jo berre stemor og dei kjem nok til å verte mykje større. Eg er redd for
at den svarte/kvite vert ein real hane, skulle helst ha vore ei høne det der. Men 
flot vert den uansett.



Islandskyllingane tutlar rundt om kring. Dei held seg helst for seg sjølv og 
i litt avstand frå dei større hønsa. Og så har dei så spesielle kaklelydar. Annaleis
enn andre høns eg har høyrt. Gler meg til desse vert store og skal legge egg til meg!


Gjøken er stadig i nærleiken. I helga satt han på ein gjerdepåle og 
observerte livet rundt om. Kanskje han har lagt ein del egg
i framande reir rundt om. Gjøken er jo ein skikkeleg snik, til tross
for den flotte synginga hans. 


Grønkålen frå i fjor blømer til den store gullmedalje. Store flotte og gule blomar. 


I pallekarmane spirer og gror det. Her er sukkerertene godt på veg opp av jorda, det same
er reddikar, raudbetar og laukar. 


Dette bildekket fant eg ved ein risdunge på garden. Den som kasta den i frå
seg visste nok ikkje at det er supert til å så grønsaker i! Eg har her sådd 
fleirfarga gulerøter som så vidt byrjar å spire. 


Det kalde veret gir faktisk store og flotte jordbærplanter! Så spørs det
om jordbæra vert like store og flotte då. 


Ingen store rabarbra på meg i år, men dei veks til og eg ser fram til
mykje god rabarbra til neste år. Eg kjem nok til å få tak i nokre
fleire røter også tenker eg. 


Hylleblomen er på veg. Om nokre veker er det nok saftlaging og siruplaging 
av hylleblom i huset her. Hylleblomsaft er nok den beste safta eg laga
i fjor! Og lagra i frysen så smakar den av reine sommaren.


Hagen blømer av bestemor sine gamle blomar. Eg syns dei er flotte sjølv om
dei kan ta litt av desse blå her. 

 "Ernst" rustar vekk. Og vert ganske så sjarmerane. Rust 
kan vere ganske så flott attåt reine fargar. 


Og til slutt, kva er no ein sommar utan HAGL? Sundag 14. juni hagla det jammen
meg. Litt forvirrande dette her. 

Ha ei god juniveke som kjem!

2 kommentarer:

  1. Hei!
    For en fantastisk blogg du har!
    Utrolig kjekt at jeg "ramlet"innom her.
    Det var rent tilfeldig, søkte etter løvetannsirup og vips havet jeg her:))
    Skal nemlig til å lage sirup av løvetann, så dette var nyttig.
    Og attpå til finne denne fine Bloggen, var kjempegøy!
    Takk for oppskrift og fremgangsmåte, og en fin kveld til deg!
    Titter gjerne innom igjen;))

    SvarSlett
  2. Hei!
    Kjekt du likte bloggen, håpar du kosar deg vidare her! :-)

    SvarSlett

Kjekt om du legg frå deg nokre ord!