søndag, august 16, 2015

Filleryer


Eg har fått litt meir ro i kroppen etter sommarens storarbeid. Og det er tid for dei små
prosjekt, som hekling og sylting og slikt. No har eg endeleg, for dette har eg gleda meg til, starta på
eit golvteppe med stoffrestar. Eg vart så inspirert på Finlandsturen og kjøpte også nokre stoffbuntar
med meg derifrå. Der har bruktbutikkane jammen meg laga remser av brukande stoff og 
sel det som nøster, heilt genialt for sånne som meg som ser nytta i det! Det er nokre sjeler der
ute som heklar og heklar av stoffremser, og bra er det. Men kanskje enda fleire kunne tenkt seg å
prøve det? Dette teppet er i alle fall av sengetøy og anna, den siste runden på teppet som eg held
på med er i cordfløyelstoff. Kanskje ei bukse eller ei skjorte. Eg hadde eit stort øydelagt laken og 
så har eg sjølvsagt besøkt mor mi og hennar skap. 


Den gode gamle fillerya, slik som høyrer namnet til. Før var jo dette ei sjølvklar måte å 
få nytta stoffrestar på, og klede som ikkje klarte å bli reparert atter ein gong. Eg nyt
desse gamle filleryene og håpar på å kunne lage mine eigne ein gong. Men foreløbig
så vert det runde "filleryer" med heklenåla, og dei vert flotte dei også! 

2 kommentarer:

  1. Har flere hekla små golvmatter her i huset, faktisk er ei av dem hekla med brune striper av gamle nylonstrømper. Snakk om å utnytte ressursene! I tillegg har jeg loftet fullt av oldemors gamle mattefiller i fine nøster (pluss en vev faktisk), så jeg burde kanskje finne fram heklenåla jeg også. Såat det var ei som hadde hekla matte av gamle t-skjorter uten sømmer i sidene, det synes jeg også så spennende ut. Kanskje kjæresten må rydde litt i skuffene sine snart. (",)

    SvarSlett
  2. Så nydeleg med nylonstrømper i golvmattene! Fekk i går også høyre om plastposar som vart hekla tepper av. Ikkje dum gjenbruk det heller:-)

    SvarSlett

Kjekt om du legg frå deg nokre ord!