søndag, oktober 18, 2015

Grønsakshagen 2015 - eit lite samandrag - om det er no nokon som skulle vere nysgjerrige


Det er oktober og planteskeiene og knivane (alt kan nyttast) er plukka inn. Ein skulle då trudd
at alt av godsaker i grønsakshagen er hausta og nytta. Men akk nei. Gjekk det som eg håpa på før
sommaren? Langt i frå. Og eg skuldar på fleire forhold, eller kryp/dyr/menneske. Fyrst meg sjølv då. Eg har ikkje vore konsekvent på å ha gjerde oppe slik at høns og etterkvart ei heil hanesamling har hatt sine rundar  i plantekassane. Og det var skyldbøtte nummer to. Hersens høns altså. Men dei har jo ete mykje godt og det gjer jo eg nytte av når eg no et både egg og slakta hanar då. Og så var det nummer tre. Forbaska sneglar. Overalt har dei vore i år. Og i store mengder! På heile garden! 
Eg har hatt mine rundar med diverse metodar for å få dei vekk, men eg har andre ting å gjere enn å gå kvar einaste kveld og plukke. Så dei har også fått gossa seg i mine gode grønsaker. Blant anna 
har dei ete blada til alle laukane mine, slik at dei ikkje fekk vekse seg til. Arg. 
Og så var det nummer fire. Nokre sauge som kom seg over gjerdet i sommar. 
Trakka ned og knaska i seg. Resultatet i plantekassane vart lite. Eg har framleis nokre sukkerbeter attende der, eg har tru på dei - trur eg i alle fall!


Og så var det desse potetene då. Nytt prosjekt i år, etter å ha fått eit - eller det eg trudde var - godt
råd. Om å legge litt jord i ei tønne/balje. La det spire. Hive på meir jord. Og så vidare. Eg tok den
heilt ut og laga hol i alle baljar og diverse eg hadde. Og laga ein stor trekasse. Det bra er at eg har laga mykje god jord med å bruke berre litt plantejord, elles kompost, samo frå hønsehuset, kaffigrut,
hønsegjødsel og anna. Det har vore frodig oppe med hønsehuset. Men til slutt vart det små flotte tapaspoteter, enn store flotte matpoteter. Tapaspoteter er jo luksusvare det også, det var no i alle fall
poteter! Men ikkje nok til å livnære meg på gjennom vinteren. Eg har nokre potetplanter som eg 
enda ikkje har teke opp, kanskje det vert meir på meg. 




Gode men gjerne litt små poteter. Eller tapaspoteter som ein også kan kalle det. 


Og her er tomatene. Dei kjem no, i midten av oktober. Straks er det november og eg kan
endeleg plukke raude søte tomater frå drivskapet! Heilt utruleg. I fjor hadde eg store mengder
med små herlege tomater. Til og med sylting måtte eg til for å få nytta alt. Men då
var det jo ein knallsommar, det kan me jo ikkje heilt sei om i år. Så kanskje det får
vere skyldbøtte nummer fem då.

 Squashplanta har fått
blomar men ikkje noko meir. Banantomatplanta fekk tre små tomater og ikkje meir. Agurkplanta
tok sniglane livet av. Paprikaen klarte seg heller ikkje.  Jau. Ikkje den beste grønsakssesongen dette, med alt av udyr og ikkje
eit skikkeleg drivhus heller. Så det kan jo berre gå oppover herifrå? Og eg kan jo berre bli
flinkare til å ta ansvar også kanskje? Og passe på kassane mine? Så prøver eg att til neste år!

:-)

5 kommentarer:

  1. Men du skal virkelig ha for forsøket! (",) Alt kan jo heller ikke bli suksess første gang man prøver det, og alt kan heller ikke bli suksess hvert år (det er jo noe som heter uår).
    Lykke til neste år, da går det jo an å bruke litt mer tid på gjerding. Mer tid på snegle-plukking synes jeg ingen skal trenge å bruke, fysjom!

    SvarSlett
    Svar
    1. Jau, godt forsøk og halvvegs innsats vart det på meg. Eg ser eg har myyykje å lære på dette, og eg som trudde det skulle vere så enkelt! Men mykje speler inn gitt. Til neste år skal eg sette poteter på vanleg måte og finne ein lur måte å halde sneglane vekke på ;-)

      Slett
  2. Mengdene ble omtrent som hos meg da. Bortsett fra at jeg ikke har hatt snegler, høns eller sauer i mine kasser. Likevel var det ikke mye utbytte i år. Tror den kalde og våte sommeren må ta skylda, for jeg har da pleid å lyktes før. Men jeg prøver igjen til neste år...
    Hilsen Camilla i Harstad

    SvarSlett
    Svar
    1. Nei, det var nok ein dårleg sommar Camilla. Men me får gå i gong til neste vår med ny gnist! ;-)

      Slett
  3. Aldri gi opp, gleda over å planlegge hva en vil så og selve såing er minst halve gleda. Neste år er nye muligheter. Skulle gjerne ha send deg en liten gave, lurer på om du kan sende adressa di på denne mailen brithest@hotmail.com til meg så skal du få en overrasking som passer til ditt hus :) Tenkte på deg og ditt glade hus mens jeg laga det:)

    SvarSlett

Kjekt om du legg frå deg nokre ord!