torsdag, november 05, 2015

November - gard og grunn og dyr


Rekk ein tur før lyset slås av så er det fint å sjå utover frå haugane her. 


Mine fine asketre. Truleg veldig gamle, meir enn 150 år i alle fall. Min teori
er at Eskeland har fått namnet etter asketre. Eg veit at det har stått fleire her.
No mistar dei blada og vert nakne med dei spinkle greinene sine. I år
er planen å styve dei, altså å sage av greinene. Det vert spennande å 
sjå korleis det ser ut med berre trestammer her oppe. 


Tre asketre, utruleg store mengder med blad. Overalt. Som grøne blad er dei 
skikkeleg godsaker for saugene og tidlegare styva dei trea for å samle
blada til saugene til vinteren blant anna. 


Liv på tunet. Høns og Frensur er som regel gode vener, men av og til litt nysgjerrige på 
kvarandre. Naturleg nok. Inge kikkar ekstra i dag.


Og Frensur kikkar tilbake.


Inge og Husmor. Som eg trudde var ei høne. Ho var kylling i vår. Men ho har skutt
fart og eg mistenker ho for å vere ein hane no. Eller ei sææærs stor høne. Men ho
galar ikkje og oppfører seg hønete. Ikkje lett med høns alltid, og kjekt er det!


Vikinghøna Eli har blitt kloks ho. Og nysgjerrig som eg er så la eg nokre egg under
ho for å teste ho ut. Og ho ser ut til å trivast med det. Så lite egg på meg om dagen, 
ei kloks og høne som har blitt hane og vintermodus som gjer at verping vert redusert
pregar hønsehuset.


Og så desse endene då. Snodige dyr. Dette er bilete av kva dei gjer om dagen. 
Dei sit stort sett akkurat her. Opp og ned. Kikkar. Badar seg litt. Eg får lurt dei 
litt ut på bakken av og til, særleg om eg har med meg noko brød. Men ender
som traska rundt på garden og knaska i seg brunsneglar fekk eg dessverre ikkje
i denne omgong, nei.


Saugene, eller årslamb som dei er, er supernysgjerrige på både høns, katt og ender.
Og interessa er ikkje delt. Endene beveger seg så seint at eine
lambet fekk snuten sin bak i rumpa til eine anda Guro utan at ho fekk gjort
noko som helst med det. Hardt å vere and. Og flaut gitt.


Ender i ettermiddagslys. Dei har litt preik på gong av og til. Eg anar ikkje
kva det betyr. Høyres ut som små kyllingar, bittesmå pipelydar. Koseleg
liv ute, fine fargar før nakne tre og snø tek over. 

3 kommentarer:

  1. Trivelig liv fra garden din:)

    SvarSlett
  2. Artige dyr og flotte trær , vakkert område du bor i!

    SvarSlett
  3. Fin plass, ingen tvil! Og hver årstid har nok sin sjarme. Artig det der med hønene/hanene. :)

    Du spurte om supper. I farta vil jeg trekke fram disse: Bønnesuppe, maissuppe, muligatawnysuppe, sjampinjongsuppe, kantarellsuppe, smakfull laksesuppe... :)

    SvarSlett

Kjekt om du legg frå deg nokre ord!