torsdag, januar 07, 2016

Rocka veving!


Dette lærte eg frå eit tidlegare Strömsöprogram. For dei
som ikkje kjenner til det enda så er det eit vestfinsk kreativt
tv-program som innimellom går på nrk. Men ligg gratis på
nettet og som eg og Marianne frå Toten faktisk besøkte i
fjor sommar. Lee frå Strömsö festa trådar til ein rockering
og laga ein liten vevd duk. Ho nytta tynn tråd, eg gjekk
laus med husholdningstråd eg. Så litt grovare. Og så stoff-
remser då. Utruleg kjekt men skikkeleg putlearbeid er det. 


Slik ser det ut når eg vever innerst i sirkelen. Eg må veve over 
ein del trådar om gongen og så ta færre og færre trådar. Til
saman har eg 52 trådremser men for at det skal fungere så
må eg ha oddetal, så eg har knytta to trådar saman slik
at det vert 51 i staden. Då vert det annakvar gong og veven vert
tett og fin.


Hin kvelden gjekk ei laus på buksene mine. Buksene no til
dags er jo ikkje produsert for å halde så lenge så dei
vert gjerne fort slitt her og der. Nokre bukser vil eg
redde med lapping, andre gjekk under saksa og vart
stoffremser.


Her er det sengetøy og dongeri. Framleis er ikkje teppet så
stort. Men eg håpar eg kan få litt storleik på det. Om ikkje
så får eg sjå om eg finn ein stoooor rockering og feste på
mange trådar og rett og slett prøve på ny! 


Eg har faktisk lengta etter veving i heile haust, så det var på tide.
Men eg kjenner meg sjølv godt og eg veit at eg kan ta litt
av med ulike prosjekt. Og gå lei. Så ein skikkeleg vev 
får eventuelt vente og så får eg rocke vidare imens! 

4 kommentarer:

  1. Har også lyst på "skikkelig" vev og på Finn.no gis det bort flotte vevstoler både gratis og veeldig billig.. Skal ha meg en vev i huset på Kleiva, men må bare bli ferdige innvendig først.

    God fredag! Nyt vinterværet

    SvarSlett
  2. Dette var STILIG ! Jeg er i håndarbeidsmodus for tiden, så dette var " farlig inspirerende " å lese ☺️

    SvarSlett
  3. Det her så jo litt gøy ut. Tror jeg må finne frem en av rockeringene til ungene og prøve selv.

    SvarSlett
  4. SÅ kjekt at det inspirerer! Sett i gong damer! ;-)

    SvarSlett

Kjekt om du legg frå deg nokre ord!