tirsdag, mars 08, 2016

Bilethistorie - gamlehuset på Eskeland - ELLEVE




Prosjekt stove, vår og sommar 2015. Tenk at eit vegg-til-veggteppe låg på dette stovegolvet
i over 50 år? Eg anar ikkje om dei har rensa det på noko som helst vis
anna enn å dra støvsugaren over det. Nokre stader byrja det å smuldre opp og etter
at eg flytta inn med ein teppeglad hund så vart teppe meir og meir øydelagt. Hundar
elskar å gni seg neråt tepper og klø seg litt her og der. Grunnen til at eg venta så 
lenge med å ta dette var at eg visste nok ikkje heilt korleis det såg ut under og eg 
trudde eg måtte til med å legge nytt golv. Og det tek ein ikkje på eit blunk. 
Ei helg gjekk eg berre laus, reiv opp teppet, heiv det ut, støvskyene for som berre det og
de som har lest Allers veit at nokre støvsugarar gjekk absolutt i det. 



På golvet var det spikra plater med tusenvis av småspiker. Platene måtte av og ut og
spikrane måtte dras opp. Steike arbeid  og mykje slit, men det gjekk. Under platene
skjulte det seg fint tregolv med breie bord i eine enden og litt nyare golv med mørk lakk
med tynne bord i andre enden. 


Og den store overraskinga, eit hol som var sagd til ein gong etter
ein vasslekkasje mest sannsynleg. Rett ned i jordkjellaren. 



Buster var ikkje så glad for at teppet hans var borte vekk nei. 


Testing av fargar, eg ville ha grønt og leita etter rett nyanse for golvet.
Eg fann eg fann, men etter mykje god hjelp frå Flügger farge så 
vart ikkje fargen rett blanda. Det var kjedeleg men so var no det. 
Då gjekk valet på ein lysare blåfarge i staden for. 



Det gjekk nokre veker med stell av tak, veggar og golv. Sparkling av hol og stygge sprekker etter
vasslekkasje med meir. Og tetting av hol i golvet. Kjekk mestringskjensle å ha gjort det! 


Og stova vart som ny. Herleg. 


Benk til spisebordet vart også snekra av gamal bordkledning. 
Nøgd med den!




Ute kosa eg meg med hesjastaurbenklaging etter å ha laga eine bedet om til
sitjeområde. 


Denne tida fekk pipa seg ein real runde også. Den gamle
vart rive og røyr vart sett inni, med ny pipe på toppen.
Mykje tryggare for huset. Til tross for at den gamle pipa
no var flott då. 



Eg likar som de skjønar å nytte ting vidare på andre måtar. Skiferhella
som låg oppå gamlepipa vart til bordplate framfor hønsehuset. Og
mursteinane vart sett opp som veggar til eit bed midt på tunet her. 
Då har alt si historie og si nytte. 


4 kommentarer:

  1. Du har gjort masse godt arbeid! Og elsker golvfargen din, virkelig :)
    Veldig kjekt gjensyn

    Klem fra meg

    SvarSlett
    Svar
    1. Diggar å høyre det Elisabeth! Fargen helsar tilbake frå golvet! ;-)

      Slett
  2. Dette golvprosjektet husker jeg godt, tror vi var i en tilsvarende fase sjøl på den tida. La gå at det gikk med en støvsuger eller to, tipper du ikke savner det vegg-til-vegg-teppet. (",) Og av alle golv jeg vet om, er dette blå golvet det absolutt kuleste.

    SvarSlett
    Svar
    1. Knakande gøy å høyre! Ja til blå golv! Eller grønne! I mitt neste liv ;-)

      Slett

Kjekt om du legg frå deg nokre ord!