fredag, mars 25, 2016

Siste loppisfunn


Ei stund sidan eg har lagt ut fine funn her no. Rett over jul fann eg desse Wiinbladplattene
på Fretex i Bergen. Dei representerer kvar sine månader og det skal finnast til saman
12 månader med ulike motiv. Eg likar at det er svart og kvitt og at motiva er så snirklete.
I lag med dei andre fata som heng på stoveveggen min vert det ein herleg 
kombinasjon med mønsterog fargar. 


Desse her fann eg på bruktbutikken Retro på Husnes. Fire kvite glas, opprinneleg gamle
medisinglas som nokon har lagra krydder på etterpå. Etikettane er det berre å fjerne og
så kan eg jo berre henge på mine eigne. 
Veldig snodige desse syns eg. 


Eg var på eit møte inne på Ullensvang Hotell for nokre veker sidan. Der fekk
eg høyre ord om eit loppemarked i bygda. Og eg og ei anna sprang ned og fekk
raska med oss nokre skattar. Dette er livet altså, skikkeleg gøy. Og lopperusen
i kroppen. Det store løveglaset fekk eg for 20 kroner! Siler har eg visst byrja 
å samle på, dei er så fine, men dei er også i bruk til pasta og slikt. Og den vesle
emaljeskåla var nydeleg. Den vesle fløytemugga frå Figgjo var søt til tross
for skår i seg.


Og mine siste funn, denne veka, på bruktbutikken på Heiane. Eit ekte gammalt ullteppe
til berre 40 kroner. Denne butikken er ganske dyr til å vere bruktbutikk, derfor er det kjekt
å finne slike kupp der. Slike gamle tepper er mykje betre og varmar betre
enn desse tynne flisene ein får tak i på interiør- og møbelbutikkar i dag. Om ein ikkje går
høgt opp i pris då og kjøper gode klassikarar. 


Passande til påsken - og resten av året! Eit brodert putetrekk med
ein herleg hane, i kule fargar! Ser ikkje ut til at det har vore brukt i det
heile så eg gjekk i gong med å sy det saman over ei gammal dunpute. 


Og fem Figgjo Fajansetallerknar i herleg blåfarge. To av dei var heile, dei andre
hadde sprekker eller skår i seg. Eg er ikkje alltid så nøye på det. Det er vel også ein
grunn til at eg har litt forskjellig og fint av gammalt servise heime. Spor av liv
er viktigare enn at alt skal vere nytt og perfekt. 
Fine skattar og loppislukke i heimen!

2 kommentarer:

  1. Jeg kom plutselig innom her, og så de hvite glassene med sorte lokk. Etikettene er originale. De ble solgt som krydderglass på apoteket på 1990- tallet.

    SvarSlett
    Svar
    1. Takk for snedig informasjon Åshild!! Då veit eg det :-)

      Slett

Kjekt om du legg frå deg nokre ord!