torsdag, april 14, 2016

Sweet like blueberries


Innimellom, særleg på torsdagar trur eg, får eg ei intens bakelyst over meg. 
Og dei som kjenner meg veit at eg sjeldan følger oppskrifter kvar gong,
men prøver meg fram i hytt og pine. Det vert vellukka og ikkje vellukka. 
Knallgodt og heilt greit. Supersøtt og usunt eller litt småsunt til kvardags.
Og sidan det allereie er midten av april så tenker eg no å reinske opp
i frysen og det er då heilt naturleg å bruke bær i baksten!
Me plukka mykje blåbær på Seljestad i fjor og ein del vart frose
som heile bær. Eg er så glad eg gjorde det! 

Denne gongen vart det halvsunne blåbærsmuffins med havre. 
Eg nytta brunt sukker som gir litt karamellaktig smak og er litt 
meir nyttig å bruke enn kvitt raffinert sukker. Men ja, ei
god mengde ekte smør måtte jo sjølvsagt med. 

BLÅBÆR- og HAVREMUFFINS

3 egg romtempererte
1,5 dl brunt sukker
2 ts vaniljesukker
2 ts bakepulver
2 dl små havregryn
3 dl kveitemjøl
250 g smør
ei klype godt salt
3-5 dl blåbær
Store eller små muffinsformer

Set ovnen på 210 grader. 
Smelt smøret og ha oppi havregryna. La smøret avkjølast
mens havregryna mjuknar. Visp eggedosis. Vend forsiktig i det 
tørre og så smør og havregryn. Til slutt vender du i blåbær.
Eg likar å ha mykje bær oppi røra, dei skal ikkje berre vere 
til pynt. På toppen av muffinsane drysser eg nokre blåbær til
og litt demerererasukker (lysebrunt sukker). Det tek om lag
30 minutt å steike store muffinsar, rundt 20 minutt med små.
Dei skal vere gyldne på toppen men ikkje mørke.

Nam! Småsunn mat til å hjelpe på søtsuget ein
torsdag kveld! 

2 kommentarer:

  1. Jeg digger alt med havregryn, så disse kan det godt hende jeg tester! Har dessverre ikke hele blåbær i fryseren, men det finnes jo på supern. I fryseren har jeg imidelrtid oppdaga litt rabarbra, og ute ved veggen har det dukket opp spirer av årets rabarbra, så de i fryseren er det jammen på tide å bli kvitt. (",)

    SvarSlett
    Svar
    1. Jau, det er slik det er med baking ofte, ein kikk ned i frysen og vips så har ein noko på gong! Eg også har rabarbrasyltetøy i frysen gitt, og rabarbraen på full veg opp ute!

      Slett

Kjekt om du legg frå deg nokre ord!