søndag, juni 05, 2016

Saftig rabarbrakake



Her har helga gått i maling. Eg har vore ute på Sæterbø og malt 
hus heile dagar. Mat har vore ei nødvendigheit nesten. Men så fekk
eg eit realt innfall over meg, eg måååtte bake. Slik som eg innimellom
får. Og rabarbraen ropte frå hagen, det var nokre stilkar att. Oppskrifta
vart surra saman på eit blunk og her er ho, saftig og knallgod på
ein ettermiddag:

Steike saftig rabarbrakake

150 g smør
150 g sukker
3 egg
1 ts vanilijesukker
1 ts bakepulver
150 g mjøl
ca 1 dl rømme
litt sukker
2-3 rabarbrastilkar

Set ovnen på 180 grader. Visp smør og sukker kvitt
og tilsett eitt og eitt egg. Ha i det tørre. Del opp rabarbra
i små skiver og ha over litt sukker, eg nytta lysebrunt sukker
(demererasukker). Ha røra i ei lita springform eller firkanta
form kledd med bakepapir. legg over rabarbra og knepp dei lett 
nedi røra. Ha på små klattar med rømme over og dryss
til slutt over litt meir sukker. Steik i ca 30 minutt til kaka
er gyllen på toppen. Server varm, lunken eller kald, like
saftig og god er den! Ååå, rabarba i bakst altså, noko
av det beste!! 


2 kommentarer:

  1. Frisk og god kaffemat dette og ser heilt nydelig ut
    Takk for oppskrift :)

    Klem fra meg

    SvarSlett
  2. Ser nydelig ut. Synes egentlig formkaker er litt undervurdert nå til dags. (",)

    SvarSlett

Kjekt om du legg frå deg nokre ord!