lørdag, juli 23, 2016

Grisefine bilete


Laurdag, sommar og sol. Og ein tur til grisane med mat på morgonkvisten. 
Både tørrfôr og restemat i kassen på firhjulingen og grisane spring glade
imot meg på vegen. Me køyrer nemleg firhjuling ned med sekkar med fôr
om gongen og denne lyden knyttar dei no til mat, mat, mat. Og i dag
hadde eg med halvtørka bringebær frå eit halvdårleg bærtørkeprosjekt 
samt restemat i form av laks og grønsaker. Stor glede hos grisane. 
Og mykje gaping. For visste du at grisane smakar på maten ved å gape
opp slik? Tenk om me skulle ha gjort det? Det hadde sett rart ut. 




Denne vesla her måtte ha seg ein liten pause i sola etter nokre smakar. 
Men det varte ikkje lenger før den kalde gjørma freista meir. 



Grisar, med sine store og opne augo, er så fotogene. Så lenge dei
står i ro i ein augneblink slik at ein kan få teke eit bilete eller fem då.
Dei er nemleg veldig aktive og har mykje for seg. Helst skal alt av klesplagg
og fotplagg og hår og hud smakast og tyggast på. Og kanskje får du deg 
eit realt knuff i sida av ein i litt tøysete og tullete humør. Aldri kjedeleg 
med fine grisar i sol!


Nyt soldagane vidare, med eller utan gris ved di side!

1 kommentar:

  1. Er så glad på grisenes vegne at du har kommet inn i livene deres! Morsomt at du nevner at de ser rare ut når de "smaker", har du sett vinsmakere?!!! :-D de ser også veldig rare ut når de smaker! Du skal se grisene også trenger godt med luft til når de smaker :-)

    SvarSlett

Kjekt om du legg frå deg nokre ord!