onsdag, juli 20, 2016

Sommarprosjektet


Såg du at eg skulle i gong med eit kjøken i sommar? Kjøkenet til
grisebonden min på Sæterbø. Eit slags "gjere-det-klart-til-å-flytte-inn"-prosjekt.
Prosjektet vart vel delt i to: før og etter Lofotentur. Så det vart ein god pause i mellom
og det er ikkje alltid ein dum ting. Her frå verkstaden med faktisk 18 skapdører og ni 
skuffefrontar overalt. Fyrst to strøk med maling, så eitt toppstrøk på framsida, så 
ferie og grubling over glansgrad, så ny boks maling med høgare glans og nytt strøk 
før tørking og herding. 


Så male resten av kjøkenet. To av skapa med glasdører fekk maling inni 
samt eit skap frå golv til tak vart også malt inni. Utanom dette malte eg
inni to hyller og ein del der me tok ut eit vinstativ. Hyllene fekk to strøk 
lakk på seg etterpå for å tåle best slitasje. 


Veggane var grå og listene var kvite men gusjne. Blått kjøken kjem
best fram med ei lys ramme så det vart god gammal Lady med bomullsfargen min.


Eit kjøken som har levd gjennom nokre år, til tross for at huset er ganske
nytt. Det starta med mørk nittitals grønfarge, så kom det ein lys knæsj
limegrøn og til slutt blass gråfarge. Ingen av desse fargane tiltaler meg, det
skulle ein kanskje ikkje tru at bomullskvit heller gjer, men for meg gjeld
det å finne lys og balanse i eit rom. På Ingvildsk vis i alle fall! 


Ein kveld fekk eg ein ide om å vere litt gul og sprø. Nemleg male inni to skap med 
min faste gule bengalakk. Som eg tilfeldigvis hadde ståande. Det var to skap som var
ekstra slitt: under vasken og skapet med panner og kasseroller. Til tross for god utlufting
i rommet så var dette kanskje ikkje ein lur ide  sidan ein har hovudet rett utanfor 
malingsdunsten. Og det resulterte i veldig hovudverk og svimmelheit og klar
beskjed om å anskaffe seg gassmaske til vidare maling. Og ein malepause.



Gult og kult og ei herleg overrasking. Du ser det ikkje før du skal kaste
litt boss og det øydelegg difor ikkje det blå fine kjøkenet. 


Eg reiste på "ferie" til gamlehuset og då eg kom att hadde grisebonden montert
frontar. Og rydda litt. Herleg å sjå! Knottar må til på skapdører og veggane har 
to strøk til i vente. Benkeplata er laminat og ikkje noko fin, men me tok
ikkje arbeidet med å skifte denne ut i denne omgong. Eg har vurdert å male
den og så har eg fått tips i å legge kontaktfolie på den. Over benkeplata har det 
heller aldri vore noko, der er det malt rett på sponplata. Panel er kjøpt inn og 
glasplate til å ha over vasken. Håpar det vert bra! 


Ei kjøkenøy er også under planlegging (og forhåpentlegvis laging). Planen
er å bruke tre av dei gamle skuffene frå mitt gamlekjøken. Difor har eg funne
skålhandtak som er like i form og storleik som dei som eg har. Dei er frå 
allebeslag.no og vart då bestilt frå Sverige. Malinga på kjøkenet er frå
Flugger Farge og har oppført seg fint under oppussinga. Veldig nøgd er eg 
med hjelp og gode råd eg får då eg tek turen der. 
Så snart er kjøkenet heilt nytt og får seg eit nytt liv i huset. 

2 kommentarer:

  1. Dette blir kjempefint, og et fint løft for kjøkkenet. Selv om det ikke er så gammelt, er jo kjøkkenet i høyeste grad et bruksrom. Ikke rart det blir litt slitt da. Artig idé med det gule. (Ikke ideen om å prøve å ta livet av seg sjøl med løsemidler, men ideen om et fargesmil når man skal kaste søppel.)

    SvarSlett
  2. Det er litt av et arbeid du har lagt ned, maaange strøk med maling, men så ble det veldig fint og! Artig med solgult i underskapet :-)

    SvarSlett

Kjekt om du legg frå deg nokre ord!