søndag, august 28, 2016

Blåbærtid



Godt med ei lita pause av og til. Til tross for helgefri så er det alltid
mykje som bør gjerast, og som ligg og lurer bak i hovudet. Eller ting
ein har lyst til å få i gong til tross for at energi og tid ikkje alltid er til 
stades. Me har ei hytte, vel, heller ein campingvogn, som er god å
reise til av og til. Og på denne tida av året er det no ekstra fint. Når
sommaren glir sakte inn i hausten. 


Då er det ut på tur med bærplukkar, bøtte og litermål klar. 



Ikkje det altfor store blåbæråret i år. Eller kanskje det hadde vore
folk og fe før oss. Det gjekk nemleg både sauge og kyr der oppe så me
måtte leite godt. Det var uansett store gledeshyl for kvar molte me fann
og særs viktig å telle kvar enkelt. 


Niste må med på tur, og Busten får sleike reint. 


Svarte og blå blåbær? Til tross for at det berre er ein sort blåbær
så har desse ulike latinske og folkelege navn. Dei svarte heiter 
prestebær og var visst høgt på strå før i tida. Er nesten som dei smakar 
betre også. 


Det byrjar å haustast litt etter litt. Nokre få greiner på fjellbjørkene
har fått gule blad. Både koseleg og litt skummelt med dette, er ein vel 
både klar og ikkje klar for at hausten kjem på ny.




Fin fangst! Det vart "berre" ei bøtte med blåbær denne gong, men
så har eg no ein del blåbær i frysen frå i fjor også som skal etast opp. 
Og nok til ein god porsjon med moltekrem! 


Akk..rørte blåbær. Og straks ny veke!

6 kommentarer:

  1. Koselig oppdatering som alltid

    Ha ei fin uke

    Klem fra meg

    SvarSlett
  2. Herlige bilder .
    Det e så deilig å få være i skog & mark .
    Nyt den nye uka .
    Klem Christina

    SvarSlett
    Svar
    1. Tur i skog og på fjell er hellig!
      God veke til deg også Christina Mari!

      Slett
  3. Det var i det minste stor og fin blåbær, såvidt jeg kan bedømme. Da går det jo fortere å fylle bøtta. (",) Her er det ganske mye høst på trærne allerede, det er vel prisen å betale for at også våren kom tidlig i år.

    SvarSlett
    Svar
    1. Jau, skal no ikkje klage. Ei fylt bøtte var mykje godt det! I fjor var det jo veldig mykje, ein skal liksom alltid samanlikne det med dei gode bæråra, tullete ;-)

      Slett

Kjekt om du legg frå deg nokre ord!