søndag, oktober 23, 2016

La det bli grønt!



Eg hadde vel planar om å la malarkosten ligge, eg pleier å gjere det 
no på hausten. Men akkurat no trengte eg å male. Eg som knyt meg i skuldrene
når eg både heklar og strikkar klarer absolutt å slappe heilt av når eg maler!
Så no kjente eg det var på tide å få roe heilt ned med radio og nokre
strøk. Og ein ny farge inn i stova. Me har ståande eit glaskap i furu her, type
nittitals. Eg har kjent det i meg at det har eg lyst til å gå laus på. Det skal så lite
til med slike furumøblar før dei får heilt nytt liv. I tillegg så ville ein
i familien kaste ut ein kjøpmannsdisk, også i god gammal nittials furu. Så då var 
det til med fiksing og liming, demontering og slikt før grunning var i gong. 


Denne kommoden var litt skeiv her og der, eg er spent på om eg får retta
opp slik at skuffene vert beine til slutt. 


Det tok nokre timar gitt, i alle fall når eg ikkje tok maskeringstape 
på glasskapet, men nytta rund pensel. Men tek ein seg tid så er det vel verdt
det! Maskeringstape er ikkje alltid optimalt det heller. 


Og det vart grønt gitt! Dette er fyrste strøk og det ser ut som eg har malt med
vannmaling. Denne gongen har eg nytta Butinox og den var veldig tyntflytande
og dekka lite. Men eg får sjå med andrestrøket og kanskje det vert eit tredje
også. God farge dette her og eg trur det vert bra med meir grønt i stova! 
Elles klarte eg ikkje å dy meg, kjøkendøra får seg tavlemaling og ein krakk får
også makeover. Og eg har hatt ei fin helg! 

2 kommentarer:

  1. Åh såå grønn, du er så modig! Er sikker på at det blir kjempestilig!
    Du har sansen og farger gir energi!

    Gleeeder meg til å se dem ferdige :-)

    Klem fra meg

    SvarSlett
  2. Når du sier grønt, så mener du grønt, ja. Men det har vi jo sett før, at grønt blir skjønt når du har svingt kosten. (",)

    SvarSlett

Kjekt om du legg frå deg nokre ord!