tirsdag, januar 31, 2017

Sol, o heilage sol


Sol, sol, o heilage sol. Det er så godt å sjå deg. Eg kikkar ut på deg 
frå kontoret mitt og får deg rett i fleisen på sykkelen og på bilturen
heim. Eg spring inn i huset og rett ut att, eg vil berre sjå deg sol,
kjenne dine siste stråler mot ansiktet, sjå deg farge bakkane i 
gyllen farge. Og dyra mine, ja, dei er like glad i deg. Katten likar
seg ute, Buster elskar turane sine, hønsa ventar ute og vil ikkje gå 
inn for kveldsen med det første og endene sit og kikkar. Og eg
veit angusane kosar seg på beitet. 


Eg vert slik på denne tida. Særleg når regnet har herja så mykje, då vert
eit solglimt ein augneblink av lukka sjølv. Eg lengtar etter meir.


I går feira eg solnedgongen på fjellet her oppe med å stå
på hovudet, på mjukt og vått underlag, ei glede. 





Sol, sol, o heilage sol. Kanskje eg ser deg i morgon også. Akkurat 
no gleder eg meg til å sjå deg enda meir, ja, takk for at du er til! 


2 kommentarer:

  1. Her merker vi i kjempegodt at dagene blir lengre og lengre, og vi kan se at sola setter gulfarge på tinden bak huset. Og det er bare to dager igjen til det første glimtet av sol hjemme hos meg. Synd jeg er på jobb midt på dagen. (",)

    SvarSlett
  2. Flott naturlig filter på bildene av hønsa, der solstrålene "regner" over dem! Herlig beskrivelse av gleden med den viktige livgivende sola

    Håper på mange soldager i 2017

    Klem fra meg

    SvarSlett

Kjekt om du legg frå deg nokre ord!