søndag, mai 07, 2017

Sommarkjensle i mai II


Heilt surrealistisk, både fantastisk og urovekkande
på same tid. I starten av mai, blomane sprett akkurat ut,
og me har over tjue grader i vest. Fleire gonger denne veka
har eg dukka kroppen under i Rødlandselva rett her borte. Og
frå dag til dag har den berre blitt varmare, varma opp
av solstråler som står på dagen lang. Er ikkje dette sommar
så veit ikkje eg. Men det skal ikkje vere slik, det skal ikkje 
vere så varmt enda og eg er redd for at sommaren vert kald og
våt og at årstidene vidare vert tulla ihop. Ikkje meininga å 
vere så pessimistisk men eg likar ikkje utviklinga og det er
me vel fleire om. Men derimot så gledar eg meg også for
kva som skjer rundt om, det er godt å kjenne sola varme og
badet kjøle og hagen bløme opp. 


Tenk at jordbærplantene kom med to blomar i går! 


Katten delte ettermiddagen med meg i sol med radio, krutsterk kaffi og ferkst
svenskt interiørblad. 


Tomatplantene som eg var bekymra over, då dei nok vart sett ut
litt for tidlig, har overlevd og i går registrerte eg den første blomen. Tenke
seg til. Dei er ikkje så høge enda og det skal dei bli, så
blir spennande om det vert ein lang tomatsesong på meg. 


Blomane på plommetreet poppa også fram i løpet av dagen i går. 
Heilt utruleg. Får håpe det ikkje kjem nattefrost att slik at 
avlinga vert øydelagd. 


I går vart eg ferdig med flettegjerdet mitt. Eg har klypt kvistar
rundt om og fletta så godt eg kunne rundt greinene. 
Så no har det blitt eit ganske greit skjul rundt renseanlegget, og
eit lite skuggeområde i hagen. 


På kvistane er det akkurat no blad, men det vert meir nakent
når blada visnar. Så planen er å sette noko langs med kanten
som vil klatre litt og i går plukka eg med meg nokre skot
frå vill eføy som eg håpar vil like seg. Får berre passe på at den ikkje
sprer seg andre stader. 



Ender i kveldssol etter ein lang dag i sola. Dei held seg helst
i skuggen saman med hønsa når det er slik varme. Flott dag i går
og det var faktisk godt å vakne opp til skodde ute i dag. 

5 kommentarer:

  1. la oss bare håpe det bare er en smak av sommer og at v får mange slike dager også i sommar månedene!

    SvarSlett
  2. Litt tidlig med full sommer, ja. Får håpe den ikke blir oppbrukt hos dere nå. Her hos oss har vi den enda i vente, for å si det sånn. Sny på bakken i morrest ga ikke akkurat den store vårfølelsen.

    Flettegjerdet blei fint, nå er det ikke mye man ser av renseanlegget.

    SvarSlett
    Svar
    1. Snø i mai, ja, det kan vel skje det også. Håpar varmen kjem nordover også! Her vert det nok kjølegare no og det er faktisk heilt greit! :-)

      Slett
  3. Det var jammen meg fine dager me fekk!
    Godt å se at du og de små feirte sommaren litt
    Klem fra meg

    SvarSlett

Kjekt om du legg frå deg nokre ord!