fredag, juli 21, 2017

Årets sommar



Jau, den vart anneleis den! Fyrste sommar på lenge eg ikkje har planlagt
eit oppussingsprosjekt enten på Sæterbø eller på Eskeland. Sjølvsagt er det
ting som burde gjerast både her og der men i år har ikkje behovet lagt så sterkt
over meg. Og kanskje ikkje inspirasjonen heller. Og det var kanskje ei 
meining bak det. For formen har ikkje vore på topp. Ein kraftig 
augebtennelse, antibiotikakur og muleg noko anna tull i kroppen har sett
sine spor i denne sommaren. Det gode med det, jau, ein må alltid leite etter
det gode i det dårlege, er at eg har to herlege hundar som eg må ut på tur med,
to kattar som i lag med hundane gir action i heimen, kroppen får slappe av som 
jo ikkje alltid er sjølvsagt i alle prosjekt eg har på gong. Det dumme er at eg 
vert sabla lei av å ikkje ha energi, saknar inspirasjonen og 
kreativiteten min og kroppen vert stiv og støl av null niks yoga. 
Kva kan ein gjere? Prøøøøve å tenke positivt og håpe
at formen vert betre om ikkje så lenge! Glede seg til å vere frisk og rask, glede 
seg til å kjenne kreativiteten vekse seg fram og prosjekta bli mange att. 


Og så kan eg glede meg over desse. Dei fyrste ringblomane blømer i hagen her no.
Har sådd ringblom og blomkarse av frø og dei gir dei finaste gule, oransje og raude
fargane. 


Bringebæra er på veg. Har smakt nokre på turvegen, men her på garden
har dei ikkje modnast heilt enda. 


Fekk tak i nokre jordbær hin dagen, det har visst ikkje vore
flust av det her i vest. Og har fått satt ein balje med hylleblom- og
jordbærsaft. Årets jordbærsyltetøy ser det verre ut med førebels. 


Hin kvelden køyrde eg til sjøen og plukka fire (!) desiliter med villjordbær.
Millehunden tassa med på turen og fekk kjenne nye lukter. Burde vel kanskje
laga syltetøy av så stor porsjon, men det gjekk rett i magen med eggedosis på
gitt. 


Årets finaste sommarbukett. Til no. Masse blåklokker her i år. 
Og har oppdaga ein annan blom eg også har lagt min elsk på,
nemleg fagerperikum. Herleg med både oransj og gult i ein blom. 
Og, når ein ikkje er i beste formen, så er det å plukke blomar
eller litt bær heilt nødvendig på tur, då stoppar ein litt opp og 
gløymer korleis ein føler seg. Og så føler ein seg bittelitt betre
resten av turen! Eg lovar! 


Action i huset. Det er mange forhold som skal testast og finnast ut av. 
Er me venner, fiendar, leikekameratar eller berre plagsomme med kvarandre?




Og kven kan vel ikkje bli glad i den frøkna her. Som spring rompa av seg
ute på tur og som diggar å roe heilt ned innandørs. 

Så ja, sommaren vart ikkje heilt som den skulle, den vert jo eigentleg aldri
det. Men til tross for dårleg form så gjer ein no det beste ut av det, og så
vert det lyspunkt dagleg uansett! 


2 kommentarer:

  1. Så leit at du ikkje er i form Ingvild, da er det viktig å kunne se glede i de små tinga som du jo er elspert på!
    Det er en kjekk flokk med firbeinte du har og alltid herlige bilder og historier. Og tenk at me engelig fekk ein smak av sommar!

    SvarSlett
  2. Kjedelig å være i dårlig form, men kanskje ekstra bra da at ikke planene var så store i utgangspunktet? Noen ganger må man også ha litt prosjektfri, hvis ikke risikerer man uansett at de tar mer energi enn de gir.
    Det er fine dyr dere har, håper de finner ut av det med hverandre. Det ser forresten veldig koselig ut i stua, likte hyllene og bildene. :)

    SvarSlett

Kjekt om du legg frå deg nokre ord!