søndag, august 06, 2017

Bringebærland



Fyrste turen til Eskeland på lenge, det var ei gravferd som 
fekk meg "over fjellet" og eg måtte ta ein liten tur oppom
og sjå. Sidan eg ikkje har fått vore her i sommar så håpar
eg på nokre fine stunder her i haust når formen forhåpentlegvis
er på veg opp att! 


Førre gong eg var her så sette me opp gjerde rundt inngongen
slik at saugene ikkje skulle ha fest her. Men gjerdet har nok dei
tulla til og det har blitt fjerna. Og rein skitfest har dei hatt rett
utanfor fininngongen til og med! Sånn kan det gå å ha eit hus
midt på ein gard og ikkje kunne sjå til huset så ofte. Eg stressar 
ikkje med det og skjemst heller ikkje, sånn er gardslivet! Det vil 
no bli reint og fint att skal du sjå!


Ein tur oppom soverommet for å sleppe inn litt luft og sjå utover, den finaste
utsikta. 


Og hagen, den var heilt fylt av bringebær! Det vaks fram nokre buskar i forfjor
og eg hadde ikkje hjarte til å fjerne dei. Snilt ugras det spør du meg. I fjor
sommar kom det nokre fine bær på dei, men i år, då møtte dei meg
med svære bringebær til den store overraskelse! Trur kanskje nokre fuglar har
spredd med seg nokre bringebærfrø frå tamme bær på Førland kanskje?
I tilfelle, tusen takk Guro og fuglane!


Dei var akkurat plukkeklare og det var berre å finne fram eit litermål
som altfor snart vart fullt. Og så var det å plukke oppi ei blomepotte. 



Så kom regnet og eg måtte reise avgårde. Bæra var for fine til å syltast og saftast
og vart fryst ned heile til kva no matprosjekt dei vil bli nytta til. 



Så i år vert Eskeland omdøypt til Bringebærland, om så midlertidig. 

3 kommentarer:

  1. Det var en fantastisk størrelse på de bærene der, du! :) Bra fangst for et kort besøk.

    SvarSlett
    Svar
    1. Jau, her skal det plukkast kvar sommar framover! :-)

      Slett
  2. Fine gamlahuset!
    Og flotte bær

    SvarSlett

Kjekt om du legg frå deg nokre ord!