tirsdag, august 01, 2017

Enkel is på pinne!



I sommar skulle eg lage ein del is var planen. 
Vel, mjølkebøttene har fått hol i seg og hønene ligg
 på egg og dei andre hønene deler ikkje flust av sine
egg. Og endene låg på sine egg som eg fekk kasta då me
jo ikkje har andrikk her. Og då vart dei snurt og har ikkje servert
oss eit einaste godt andeegg etterpå. Og så har rett og slett
ikkje orken vore der til å styre på med ismaskin heller. 
Lang og tullete intro her, men sjå her då, eg fekk jo laga
nokre ispinnar i sommar, ikkje med mjølk og egg som 
planlagt då, men av noko anna godt! Få ingrediensar og 
mange variasjonsmulegheitar. Og både bonden og guten
i huset likte dei, men dei var vel mettande og passar kanskje
betre som eit lite ismåltid enn ein dessert :-)
Eg har tidlegare kjøpt former på Ebay men du finn også
tak i former i ulike nettbutikkar eller bruk vanlege saftisformer. 

Bananis

Naturellsmak
ca 4-5 passeleg store bananer
150 g peanøttsmør (gjerne grov)
1 ts godt vaniljesukker

For sjokoladesmak, tilsett:
2 gode spiseskeier kakao (gjerne rå)
2 ss lønnesirup/honning

200 g mørk sjokolade
1 ss kokosolje/rapsolje

Køyr rett og slett ingrediensane glatt med stavmikser, med
matmølle eller food prosessor. Fyll på former og frys ned. 

Ta opp av frysen og ta ut av formene. Smelt sjokolade i olje og
springle over. Ta gjerne ei side om gongen, la sjokoladen stivne,
ta så neste side. Legg ispinnane i ein boks eller pose og ha tilgjengeleg
i frysen! 

Obs!
Mange mulegheitar her! Kutt ut peanøttsmør og køyr på med ulike
bær eller frukt. 




4 kommentarer:

  1. Leste i et blad her om dagen om NICECREAM, og det var en bananbasert is. :)

    SvarSlett
    Svar
    1. Ja, syns eg har sett det ordet ein stad! Kva vert det på norsk då? Fniskrem? ;-)

      Slett
  2. Såg skikkelig proff ut den isen der!

    SvarSlett
    Svar
    1. Jau, vart veldig proff altså! Og overraskande god til å innehalde banan og peanøttsmør liksom!

      Slett

Kjekt om du legg frå deg nokre ord!